Сүүлийн үед МУГЖ С.Жавхлан жинхэнэ Монгол хүний шийр зааж зуны аагим халуунд дээл, гутал өмсч олныг үлгэрлэх болов.

Хүмүүс ч түүний энэ байдалд нэг л дасаж өгөхгүй байгаа нь нууц биш. Зарим нь бүр "С.Жавхланг харахаар харшил хөдөлдөг боллоо" гэж хошигнож байна.

Түүний чин хүсэл нь зүлгэн дээр гэрээн бариад зүгээр л нэг амьдрах. Монголоо гэх үзэл жинхэнэ Монголоороо байх зарчим нь сүүлийн үед түүний үг хэл, үйлдэл бүрээс үнэртэх болсон.

Мэргэжлийн сумод хүчин зүтгэж байсан Монгол сумоч Дайюүбү Д.Ундрах өөрийн харьяалагдаж байсан дэвжээний ояката Шибатаяма болон Японы сумо бөхийн холбооны эсрэг шүүхэд ханджээ. Уг гомдлын дагуу Токио хотын дүүргийн цагдаа нар ояката Шибатаямаг шавиа зодож, биед нь гэмтэл, бэртэл учруулсан хэргээр байцаасан байна. Токиогийн цагдаа нар дээрх хэрэгтэй холбоотойгоор Шибатаяма буюу экс-ёкозуна Онокунигийн хэргийг прокурорт шилжүүлэх бодолтой байгаа талаар албаны эх сурвалж мэдээлжээ.

Батлан хамгаалахын их сургууль энэ хичээлийн жилээс эхлэн анх удаа бяцхан сурагчдыг эгнээндээ элсүүлжээ. Тус сургуулийн дэргэд байгуулагдсан “Өрлөг” бүрэн дунд сургууль  энэ хичээлийн жилээс анхны сурагчдаа хүлээж аваад байна. Өнгөрсөн жил ерөнхий боловсролын дунд сургуулийн тавдугаар анги төгссөн 30 хүүхэд энэ хичээлийн жилээс цэргийн дүрэмт хувцсаар ижилсэн, Монголын зэвсэгт хүчний боловсон хүчнийг бэлтгэн гаргадаг цорын ганц сургуульд бүл нэмжээ.

Монголын улс төрд гарын   арван хуруунд багтахаар  эмэг­­тэй байдаг. Эдгээр бүс­гүй­чүүдийн супер төлөөлөгч бол Сонгинохайрхан дүүргийн ИТХ-ын дарга хатагтай Н.Болормаа. Улс төр бол эмэгтэй хүнд хатуугаас хатуу самар. Үүнийг төлөв даруу, чимээгүй хүн гэхэд нэгэн цагт ажралгүй даван туулж өөрийн карьерт хүрч явсан үе түүнд бий. Тэрбээр хүний ая эвийг олохдоо сайн гэж ярих хүмүүс бий. Энэ зангаараа УИХ-ын гишүүний суудлыг өөрийн болгож чадсан гэх нь ч байдаг.

Английн топ хөлбөмбөгчдийн янаг амрагийн дуулиан намжихгүй бололтой.

Жон Терри нэг клуб, нэг шигшээ багт мөр зэрэгцэн зүтгэж явсан Уэйн Брижийн эхнэртэй явалдаж, жирэмсэн болгож, хүчээр аборт хийлгэж байсан явдал нь “World Cup-2010”- ын өмнө ил болж Ж.Терри Английн хөлбөмбөгийн шигшээ багийн ахлагчаас “хусагдаж” байв.

Тэгвэл шигшээ багийн гол довтлогч Уэйн Руни саяхан амаржсан эхнэрээ жирэмсэн байхад нь өөр хүүхэнтэй холбогдсон нь ил болж Британи даяар цуурайтах болов.

Монголын тэргүүн баячуудын нэг Ц.Мянганбаяр өөрийн бие галбиртаа ихээхэн анхаарал тавьдаг аж.

Тэрээр долоо хоногт хоёр удаа "Тайхар" бялдаржуулах төвд очиж цээж, гарын булчингаа "хөгжүүлээд" гардаг гэнэ шүү.

Алтны төдийгүй бүсгүйчүүдийн "магнат" гэгддэг Мянгаа захирлыг "Залуу амрагууддаа гологдохгүйн тулд хичээж байгаа нь энэ" хэмээн зарим нэг нь шивэр авир хийдэг аж.

Дөрвөн жилийн турш дэлхийг тойрон аялсан DJ Амай эх орондоо ирээд удаагүй байгаа.

Одоогоор тэрбээр уран бүтээлээ түр хойш тавьж нэг хэсэгтээ амрахаар шийдсэн гэнэ. Гэсэн ч амралтаа зүгээр нэг өнгөрөөхийг хүссэнгүй. Тэрбээр амжуулах ажлаа олжээ.

Учир нь ирээдүйн эхнэрийнхээ эрэлд гарсан сурагтай. Харин түүний шалгуур сонирхолд нийцэх эмэгтэй одоог хүртэл гараагүй юм байх.

МАХН, АН-ын өгнө, өгөхгүй хэмээн маргалддаг хүүхдийн мөнгийг санаачилсан гэдгээрээ УИХ-ын гишүүн Л.Гүндалай их л додигор алхдаг.

АТН-аа хаян АН-д дахин эргэж ирэхэд АН алга дэлгэн угтсаны учир ч чухам Л.Гүндалайн санаачилсан хүүхдийн мөнгөний ачаар АН өмнөх сонгуульд амжилт гaргаснаа эргэн санасных гэлцдэг. Тэгвэл мань Гүндалай ганц хүүхдийн мөнгө ч биш, өөр ч олон зүйл санаачилснаа байн байн ярих дуртай гэнэ.

Хөрөнгө орлогын мэдүүлгээ худал өгсөн хэргээр АТГ-т байцаагдаж байсан, Дорнод аймгийн Засаг дарга Ц.Жанлав саяхан орчин үеийн "Зэрэг нэмэхийн өмнө" кинонд гол дүр "бүтээсэн" сурагтай.

Тэрбээр саяхан аймагтаа үйл ажиллагаа явуулдаг нэгэн хятад компанийн удирдлагуудтай найрлаж, найр ч хавтгайрч мань дарга хоносон юм байх. Гэтэл өглөө гэрийн зүг мордох болтол гутал нь олдохгүй байсан гэнэ.